Arrest kardiak, vdes Morosini Ndalon i gjithë futbolli italian
Të tjera rreth shkrimit VIDEO - Drama në fushë FOTO
MILANO - Një sulm i Pescara-s, vrapimi dhe rrëzimi i papritur për tokë: është kjo skena e tmerrshme protagonist i së cilës është Piermario Morosini, mesfushori i Livorno-s. Lojtari ra më fytyrë përpara, pre e konvulsioneve, ndërsa menjëherë lojtarë të të dyja ekipeve tërhiqnin vëmendjen e arbitrit Baratta i cili ndaloi lojën. Më pas ndërhyrja e mjekëve.
Ndërsa ambulanca hynte në fushën e lojës shumë futbollistë ishin në lot dhe me duart në kokë për çfarë po ndodhte. Gjatë transportimit për në spital Morosini ishte në gjendje arresti kardiak, shkruan Corriere.it. Gjendja e tij u duk menjëherë e rëndë. Futbollisti më pas ndërroi jetë në spital.
Piermario Morosini, 25 vjeç, ishte vendosur nga mjekët në koma farmakologjike për të lejuar aplikimin e një stimuluesi të jashtëm, bënë të ditur burime nga spitali i Pescara-s.
Gara mes Pescara-s dhe Livorno-s, e vlefshme për kampionatin Serie B në Itali, u pezullua menjëherë. Drejtuesit e Livorno-s ndodhen gjithashtu në spitalin e Pescara-s. “Jemi në pritje të lajmeve, lutemi dhe shpresojmë. Situata është shumë e rëndë”, kishte thënë përgjegjësi i zyrës së shtypit të Livorno-s, Paolo Nacarlo, para se të njoftohej vdekja e futbollistit. Lojtarët e ekipit toskan mbetën për disa orë në dhomat e zhveshjes, në lot e në gjendje të shokuar.
Ndërkohë federata italiane e futbollit ka vendosur pezullimin e të gjitha aktiviteteve të fundjavës, duke përfshirë dhe ndeshjet Milan-genoa, si dhe Udinese-Inter të programuara për ditën e shtunë. FIGC ftoi gjithashtu federatat e tjera sportive të mbajnë 1 minutë zi, në nder të mesfushorit të Livornos.
(im/shqiptarja.com)
Ndërsa ambulanca hynte në fushën e lojës shumë futbollistë ishin në lot dhe me duart në kokë për çfarë po ndodhte. Gjatë transportimit për në spital Morosini ishte në gjendje arresti kardiak, shkruan Corriere.it. Gjendja e tij u duk menjëherë e rëndë. Futbollisti më pas ndërroi jetë në spital.
Piermario Morosini, 25 vjeç, ishte vendosur nga mjekët në koma farmakologjike për të lejuar aplikimin e një stimuluesi të jashtëm, bënë të ditur burime nga spitali i Pescara-s.
Gara mes Pescara-s dhe Livorno-s, e vlefshme për kampionatin Serie B në Itali, u pezullua menjëherë. Drejtuesit e Livorno-s ndodhen gjithashtu në spitalin e Pescara-s. “Jemi në pritje të lajmeve, lutemi dhe shpresojmë. Situata është shumë e rëndë”, kishte thënë përgjegjësi i zyrës së shtypit të Livorno-s, Paolo Nacarlo, para se të njoftohej vdekja e futbollistit. Lojtarët e ekipit toskan mbetën për disa orë në dhomat e zhveshjes, në lot e në gjendje të shokuar.
Ndërkohë federata italiane e futbollit ka vendosur pezullimin e të gjitha aktiviteteve të fundjavës, duke përfshirë dhe ndeshjet Milan-genoa, si dhe Udinese-Inter të programuara për ditën e shtunë. FIGC ftoi gjithashtu federatat e tjera sportive të mbajnë 1 minutë zi, në nder të mesfushorit të Livornos.
(im/shqiptarja.com)