Arshavin: Hidink, arkitekti i suksesit

Andrei Arshavin ka mbetur pa fjale pas suksesit 3-1 ndaj Holandes, ku pa dyshim mesfushori 27-vjecar ka qene protagonisti kryesor i kesaj fitoreje. Gjithsesi, Arshavin nuk ka ndermend te marre persiper asnje pjese te suksesit, por ia adreson ate teknikut holandez, Gus Hidink, i cili ka ditur t’i jape nje fryme fituese kesaj Kombetareje. “Per mua eshte thjesht fantastike, por mbi te gjitha nje sukses i tille per Rusine dhe futbollin tone eshte nje arritje fantastike. Per te qene i sinqerte, vazhdoj ende te mos e besoj se kemi arritur ta kalojme nje prove kaq te rendesishme ndaj Holandes, e cila na lejoi qe te siguronim gjysmefinalet e Euro 2008. Nga pikepamja fizike, ishte nje ndeshje shume e veshtire per ne, por e rendesishme mbetet gjithmone fitorja. Holanda eshte nje kundershtar qe duhet respektuar, por, sinqerisht, prisja nje skuader me agresive kundrejt nesh, duke iu referuar tri ndeshjeve te para ne grup, ne te cilat “Tulipanet” paten dominuar. Gus Hidink? Pavaresisht se ne fushe zbresin lojtaret, per mua, ai eshte arkitekti kryesor”.