Arsimi fillor, tema mbi mbrojtjen e mjedisit

Ministria e Arsimit, Ministria e Mjedisit, Ambasada e Mbreterise se Vendeve te Uleta dhe organizata UNICEF nenshkruan dje nje Memorandum Mirekuptimi per implementimin e projektit "Iniciativa te edukimit mjedisor me ne qender femijet", i cili do te zbatohet ne 400 shkolla dhe 2000 klasa ne te gjithe vendin. Ky memorandum u firmos ne MASH nga ministri i Arsimit dhe Shkences, Genc Pollo, zv. ministri i Mjedisit, Taulant Bino, ambasadori Sweder van Voorst tot Voorst dhe perfaqesuesja e UNICEF ne Shqiperi, Carrie Auer. Ky projekt synon zhvillimin e nje teresie kompetencash te nxenesve ne lidhje me mjedisin, promovimin e metodave aktive te mesimdhenies, te beje komunitetin me te hapur ne rolin aktiv te femijeve lidhur me mjedisin ne shtepi dhe komunitet. Projekti do te realizohet me nxenesit dhe mesuesit e arsimit fillor dhe cdo shkolle do te kete te pakten 5 klasa ne projekt. Ne zbatim te ketij projekti eshte formuar komiteti drejtues i projektit dhe grupi i punes per pergatitjen e materialeve kurrikulare.