Arvizu njeh Berishen me Strategjine e re te Mbrojtjes se SHBA
Ambasadori i Shteteve te Bashkuara te Amerikes ne Tirane, zotin Aleksander Arvizu, eshte takuar dje me kryeministrin Sali Berisha. Gjate kesaj vizite, ambasadori Arvizu e ka njohur kryeministrin Berisha me Strategjine e re te Mbrojtjes se SHBA-ve, te prezantuar pak dite me pare nga Presidenti Obama. Ambasadori Arvizu u ndal ne drejtimet kryesore te strategjise, ne te cilat theksohet nje angazhim me i madh i SHBA-ve ne Azi, vazhdimi i angazhimit nepermjet partneritetit ne Lindjen e Mesme dhe ritheksim i rendesise themelore qe Evropa dhe NATO ka ne strategjine globale te SHBA-ve. Ne kete takim ambasadori Arvizu vleresoi rolin e Shqiperise si nje anetar i denje dhe aktiv i Aleances se Atlantikut te Veriut, ne operacionet qe NATO ka ndermarre dhe ndermerr ne Afganistan, Irak etj., ne luften kunder terrorizmit dhe mbrojtjes se paqes dhe stabilitetit global. Nga ana e tij, kryeministri Berisha e falenderoi ambasadorin Arvizu per kete prezantim te Strategjise se re te Mbrojtjes se SHBA-ve, si dhe vleresoi drejtimet ne te cilat ajo zhvillohet. Ne kete kuader, kryeministri cmoi si me rendesi per paqen dhe stabilitetin ne bote, fokusimin me te madh te kesaj strategjie drejt Azise. Duke vleresuar lart rolin e SHBA-ve dhe NATO-s ne Evrope, ne zgjidhjen dhe stabilizimin e konflikteve ne rajonin e Evropes Juglindore, ne dy dekadat e fundit, kryeministri nenvizoi rendesine e vazhdimit te mbajtjes ne te ardhmen te pranise se SHBA-ve dhe te NATO-s ne Rajon, si nje kusht i rendesishem per garantimin e paqes, stabilitetit dhe zhvillimit demokratik te ketij rajoni. Gjithashtu, kryeministri ritheksoi angazhimin maksimal te qeverise shqiptare per te permbushur detyrimet e saj, ne kuadrin e NATO-s, si dhe perkrah aleatit te saj strategjik, Shteteve te Bashkuara te Amerikes, kudo qe kjo te jete e nevojshme. Para pak ditesh, Presidenti amerikan Obama dhe sekretari i Mbrojtjes, Leon Paneta, publikuan strategjine e re ushtarake te vendit te tyre. Sipas kesaj strategjie, Presidenti i SHBA-ve ka bere te ditur se gjate dhjete vjeteve te ardhshem, buxheti i mbrojtjes do te jete per disa kohe i madh, madje me i madh se sa ka qene ne perfundim te mandatit te administrates se Bushit.