Asgjesim 113 kg lendeve kimike

POLICAN- Ministria e Mbrojtjes, ne bashkepunim me autoritetet vendore ne qarkun e Beratit dhe bashkine e Policanit, pritet te asgjesojne sot 113 kg lende te rrezikshme kimike te mbetura nga ish-Uzina e Armeve. Lajmi behet i ditur nga burime zyrtare, ne Uzinen dhe bashkine e Policanit, ndersa lenda e rrezikshme eshte sistemuar ne depo te vecanta. Me gjithe kundershtimin e shfaqur nga kryebashkiaku Adriatik Zotkaj ne lidhje me rrezikun qe paraqet eliminimi i tyre per jeten e banoreve, sigurimin e prones dhe ndotjen e ambientit, sot autoritet me te larta te ushtrise do te perqendrojne vemendjen drejt Policanit. Perfundimi i te gjitha procedurave ligjore dhe marrja e masave per zhvillimin e ketij operacioni ka bindur drejtuesit e baskise, qe jo vetem te miratojne kryerjen e procesit, por dhe te jene pjese e operacionit. Sipas udhezimit te Ministrise se Mbrojtjes per asgjesimin e 113 kg lendeve te rrezikshme si fulminante, zhive, etj, jane plotesuar te gjitha kerkesat e bashkise per nisjen e ketij operacioni. Ne proces do te bashkepunojne bashkia Polican, Drejtoria e Policise Berat, Sektori i Emergjencave Civile Berat, Sektori Operacional i Policise Ushtarake Berat, Drejtoria e Policise Pyjore, Reparti Ushtarak 4303 Vertop. Drejtori i Uzines, Myqerem Xhaferri tha se plani eshte detajuar menjehere pas perfundimit te procedurave ligjore per zhvillimin e tij. Ne oret e para te mengjesit te sotem zona do te rrethohet nga uniformat blu, ku do te krijohet nje kordon rreth Uzines se Policanit. Nje pjese e banoreve qe jetojne me afer uzines do te evakuohen per shmangien e rreziqeve. Per zhvillimin e operacionit jane njoftuar qe prej disa ditesh banoret e Policanit, me qellim qe te mos levizin rreth uzines. Ekspertet thane se dita e sotme parashikohet me shi, qe do te beje te mundur neutralizimin e agjenteve kimike qe do te clirohen ne natyre. Rrezikshmeria qe paraqesin 113 kg lende kimike eshte e larte dhe me kalimin e kohes sipas eksperteve ato mund te shperthejne edhe me nxitjen e agjenteve atmosferike.

E. Hazizolli

Procesi

Procesi i asgjesimit, qe ka marre edhe miratimin e specialisteve amerikane, do i hape rruge rinisjes se demontimit te armeve ne Uzinen e Policanit, mjaft e njohur per prodhimin e fishekeve dhe automatikeve "Kallashnikov". Kryebashkiaku Adriatik Zotkaj ka qene kunder procesit, pasi paraqet rrezik per banoret.