Ashton: Mirëpres nisjen e punës për reformën zgjedhore, vazhdoni në mënyrë konstruktive

Zëdhënësja e Cathrine Ashton, Përfaqësueses së Lartë të Bashkimit Evropian për Çështjet e Politikës së Jashtme dhe Sigurisë dhe Zëvendëspresidentes së Komisionit Evropian, lëshoi sot një deklaratë në lidhje me nisjen e punës së komisionit për reformën zgjedhore në Shqipëri.

“Përfaqësuesja e Lartë Cathrine Ashton mirëpret takimin e parë të Komisionit Parlamentar për Reformën Zgjedhore, i cili u zhvillua sot në Tiranë. Përfaqësuesja e Lartë Ashton inkurajon të gjitha forcat politike të vazhdojnë punën e tyre në një mënyrë konstruktive në komision, për të gjetur konsensus mbi reformën zgjedhore në kohën e duhur përpara zgjedhjeve të ardhshme. Reformimi i kuadrit legjislativ për zgjedhjet në përputhje me rekomandimet e OSBE/ODIHR-it, është një nga prioritet kyçe të cilat duhen plotësuar që Shqipëria të shkojë përpara drejt objektivit të saj kombëtar për integrim në Bashkimin Evropian”, thuhet në deklaratë.