Athina dhe Selaniku zgjohen nga shpërthimet

Nga shpërthimi i ndodhur në orën 04:39 (me orën tonë lokale) u shkatërruan gjashtë makina dhe fasada e ndërtesës. Ndërkohë që gruaja e plagosur nga ciflat e xhamit është dërguar menjëherë në spital, dhe ndodhet jashtë rrezikut për jetën. Mësohet se atentati ishte paralajmëruar nga një telefonatë anonime që kishte mbërritur në redaksinë e të përditshmes greke “Eleftherotypia”, e cila ka lajmëruar më pas policinë.

Edhe në Selanik ka ndodhur një shpërthim, pothuajse i njëkohshëm me atë të Athinës. Këtë herë ngjarja ka ndodhur në një zyrë të administratës rajonale.