Athinë, i riu hap zjarr mbi shokun dhe dy kalimtarë

Athinë - Një student 20-vjeçar ka hapur zjarr drejt një shoku të tij dhe dy kalimtarëve të rastit në oborrin e një shkolle në Athinë. Burimet policore bëjnë të ditur se i riu përpara se të qëllonte në drejtim të shokut kishte tentuar të vriste edhe veten.

20-vjeçari gjendet i shtruar në spital në gjendje kritike, ndërsa tre personat e tjerë po marrin ndihmën mjekësore jashte rrezikut për jetën. Arma me të cilën u krye atentati ishte e kalibrit të lehtë, sipas burimeve të policisë.