Athinë, zbulohet një bazë falsifikimi dokumentash

Zbulohet në kryeqytetin grek, Athinë një bazë falsifikimi i dokumentave shqiptare dhe greke. Sipas informacioneve më të fundit, baza e falsifikimit ishte ngritur në banesën e tre shqiptarëve të cilët jetonin në Athinë.

Gjatë kontrollit të ushtruar në banesën e shqiptarëve policia arriti të gjejë çertifikata të paplotësuara të Bashkisë së Gjirokastrës, patenta ndërkombëtare shqiptare, dëftesa pjekurie, dokumente të ISSH-së në Tiranë si dhe pulla postare.
 

Gjithashtu policia ka arritur të sekuestrojë edhe 177 vula të ndryshme të zyrave greke dhe shqiptare si dhe disa pasaporta greke, shqiptare dhe letoneze