Autoritetet greke mirepresin paketen e re te ndihmave nga BE dhe FMN
Greqia ka mirepritur miratimin e nje pakete te dyte me ndihma per te perballuar krizen financiare ne vend. Paketa synon te parandaloje bllokimin financiar te Greqise qe rrezikonte te destabilizonte te gjithe eurozonen. Bashkimi Evropian dhe Fondi Monetar Nderkombetar arriten dje nje marreveshje ne Bruksel e cila i ofron Greqise nje tjeter fond prej 155 miliarde dollaresh.
Ministri grek i Financave Evangjelos Venizelos shprehu clirim te madh pas miratimit te paketes se ndihmave nga Bashkimi Evropian. Por ministri premtoi gjithashtu se do te vazhdojne reformat per shkurtimin e shpenzimeve buxhetore.
Duhet te vazhdojme programet. Gjithmone duhet te perqendrohemi ne permbushjen e objektivave qe kemi percaktuar per buxhetin kombetar. Duhet te vazhdojme te luftojme evazionin fiskal qe te arrijme objektivat per te ardhurat kombetare duhet te vazhdojme privatizimin ne menyre qe te arrijme standarded qe synojme.
Kancelarja gjermane Angela Merkel dhe Presidenti francez Nikola Sarkozi deklaruan dje se kane miratuar nje pakete te dyte ndihmash per Greqine si dhe uljen e normave te interesit per kete vend ne menyre qe te shmangin nje krize borxhesh ne te gjithe eurozonen.
Vendet e eurozones dhe Fondi Monetar Nderkombetar rane dakord per nje pakete me vlere 155 miliarde dollare qe i shtohet paketes prej 156 miliarde dollaresh te miratuar vjet.
Aksionet greke e ndjene menjehere efektin e paketes se ndihmave. Bursa e Athines shenoi sot rritje 0.4 per qind sapo u hap dita e shkembimeve.
Paketa ishte rrugedalja nga nje ngerc politik i autoriteteve politike te Evropes qe debatonin prej ditesh per menyrat me efektive ne pergjigje te krizes greke. Por shuma e premtuar nuk do te sjelle lehtesim te shpejte per qytetaret greke dhe angazhimet e qeverise per vazhdimin e reformave mund ta keqesojne edhe me shume gjendjen e disa grekeve.
Ne kafenete e Athines ku ne kete stine grekeve u pelqen te ulen me nje frape apo pije tjeter te ftohte ka vite qe eshte ndjere pesha e krizes.
Manolis Volirakis ka pasur nje kafene ne Athine qe nga viti 2000
Qe kur filloi kriza fitimet kane rene 70 per qind. Gjate 3 vjeteve te fundit eshte bere cdo vit e me keq.
Manolis e mirepriti lajmin per paketen e re te ndihmave. Ai thote se ka shprese se periudha me e rende do te perfundoje me kaq. Per Bashkimin Evropian shqetesimi kryesor ishte te shmangej nje krize financiare ne ekonomi te medha te eurozones si Italia dhe Spanja qe mund ta vinin ne pikepyetje gjithe strukturen e perbashket evropiane.