Autoritetet thone se rreziku nga sulmet terroriste eshte rritur

Sipas vleresimeve te policise federale gjermane rreziku nga nje sulm terrorist ne Gjermani nga islamiket eshte me konkret se asnjehere me pare. Shefi i policise federale Matthias Seeger i tha gazetes Frankfurter Allgemeine Sonntagszeitung se per kete ekzistojne disa deshmi nga burime te ndryshme. Kancelarja gjermane Angela Merkel tha ne kuader te samitit te NATO-s ne Lisbone se autoritetet kane marre te gjitha masat per te mbrojtur jeten e qytetareve. Sipas nje artikulli te revistes informative Der Spiegel ekstremistet e rrjetit terrorist Al Kaida dhe grupime aleate me ta planifikojne nje atentat kunder nderteses se Parlamentit gjerman ne Berlin. Revista e cila i referohet informacioneve te autoriteteve gjermane te sigurise njofton se ekstremistet planifikojne marrjen e pengjeve dhe gjakderdhje. Informacionet mbi planet e terroristeve vijne nga nje xhihadist i cili ndodhet jashte Gjermanise dhe i eshte drejtuar disa here me telefon Zyres gjermane te Kriminalistikes thuhet me tej ne artikullin e Spiegel-it. Atentatet jane planifikuar te kryhen ne shkurt ose mars. Keto informacione kane qene arsyeja e paralajmerimeve publike te ministrit te Brendshem gjerman Thomas de Maiziere per sulme terroriste.