Aziatiku i heroines i skeduar ne Greqi per droge

Emigranti 47-vjecar Aleksandros Dhetinidhis, lindur ne Kazakistan dhe banues ne Athine, i cili u ndalua dy dite me pare nga policia shqiptare e Kakavijes, duke transportuar ne drejtim te Greqise 14 kg lende narkotike, ka qene i skeduar me pare nga policia greke ne lidhje me narkotrafikun ne shtetin fqinje. Sipas burimeve nga Prokuroria e Gjirokastres, nga hetimet paraprake ne lidhje me kete ceshtje rezultoi se 47-vjecari nga Kazakistani, ka qene i denuar ne Greqi me 7 vjet burg per implikim te tij ne rrjetet e trafikut te transportit dhe shitjes se lendeve narkotike. Nga hetimet paraprake rezultoi se ai kishte hyre ne shtetin shqiptar me 4 prill 2008 nepermjet doganes se Kakavijes. Nderkohe, agjenteve te policise iu eshte dashur me shume se 5 ore pune per prerjen e tapicerive te brendshme metalike te automjetit, ne te cilin ishte fshehur sasia e droges, kohe gjate se ciles emigranti aziatik nuk ka shfaqur shenja nervozizmi. Ai ka perseritur vazhdimisht se nuk kishte dijeni per drogen e gjetur ne automjetin e tij.

B.K