BB: Emigrantet, me pak para' drejt Shqiperise Eglantina Nasi
Emigrantet shqiptare, po dergojne me pak para' drejt familjeve te tyre ne vendin e origjines. Nje dukuri e tille faktohet mes te dhenave qe jane publikuar ne raportin vjetor te Bankes Boterore mbi dergesat e emigranteve, te njohura si "remitancat". Konkretisht, sipas tij, gjate ketij viti, ato kane zene rreth 9% te Prodhimit shqiptar te Brendshem Bruto, ose 1.033 milione dollare, ne vlere monetare. Shifer kjo e cila rezulton te jete me e ulet sesa ajo e shenuar gjate vitit te kaluar, respektivisht 1.162 milione dollare ne total. Apo 1.156 milione dollare qe rezulton se emigrantet shqiptare i kane derguar ne shtepite e tyre, ne vitin pararendes 2010. Pra, sic mund te shihet, trendi i remitancave paraqitet renes dhe mesa kuptohet, fale veshtiresive te krijuara nga efektet negative te krizes ekonomike qe ka kapluar vendet e Eurozones ne teresi. Pikerisht, aty ku rezultojne se jane te pranishem, per te punuar dhe derguar kesisoj para', edhe emigrantet shqiptare. Dukuri kjo e cila shfaqet ne fakt, edhe me treguesin e anasjelle, pra ate te remitancave, domethene te emigranteve te huaj qe punojne ne Shqiperi dhe dergojne para' tek familjet e tyre jashte saj. Gjithmone referuar te dhenave te Bankes Boterore, ky tregues ze vetem 0.2% e PBB-se vendase. Ndersa ne vlera monetare, raporti referon se ne vitin 2011, kane qene ne total 21 milione dollare si remitanca dalese nga Shqiperia, ndersa nje vit me pare, ato kane figuruar ne nivelin prej 24 milione dollare. Duke rezultuar kesisoj me nje renie te tyre. Pra, ne terma praktike, edhe emigrantet e huaj ne Shqiperi, u kane derguar me pak para' familjeve te tyre. Nderkaq, raporti i BB-se merr persiper te flase edhe mbi ato qe quhen "korridore" te remitancave, pra vendeve permes te cilave kalojne. Konkretisht, Italia dhe Gjermania, rezultonin si vendet prej te cilave Shqiperia siguronte edhe dergesat me te larta financiare nga emigrantet e saj qe punojne atje. Respektivisht, per tremujorin e trete 2012, ekspertet e BB-se citojne se remitancat e shqiptareve, zune 7.97% te totalit te emigranteve qe punojne ne kete vend, nga 7.63% gjate tremujorit te pare 2012, duke folur keshtu per nje rritje te tyre. Ndersa lidhur me Italine, treguesi i parave qe dergojne ne Shqiperi, emigrantet tane atje, mesohet se ka zene rreth 6.8% te totalit gjate tremujorit te trete 2012. Ne teresi, raporti i lartpermendur i BB-se, pohon se vendet ne zhvillim do te marrin mbi 400 miliarde dollare nga remitancat deri ne fund te vitit 2012. "Fluksi i remitancave drejt vendeve ne zhvillim pritet te tejkaloje parashikimet paraprake dhe te jete 406 miliarde dollare per kete vit, duke shenuar nje rritje prej 6.5%, krahasuar me vitin e kaluar", pohon raporti ne fjale. Duke shtuar se "keto remitanca, pritet te rriten me 7.9% ne vitin 2013, 10.1% ne vitin 2014 dhe 10.47% ne vitin 2015, per te arritur ne 534 miliarde dollare ne vitin 2015". Ndersa ne rang boteror, institucioni i njohur nderkombetar financiar, deklaroi se "remitancat ne rrafsh boteror, perfshire ato drejt vendeve me te ardhura te larta, pritet te arrijne 534 miliarde dollare ne 2012 dhe te rriten ne 685 miliarde dollare ne 2015".