BB, dy shkolla moderne ne bashkine e Kamzes

Kryetari i Bashkise se Kamzes, Xhelal Mziu priti ne nje takim perfaqesues te Bankes Boterore (BB) dhe te Ministrise se Arsimit dhe Shkences (MASH), te ngarkuar per te ndjekur nga afer punimet e dy shkollave qe po ndertohen ne Kamze, me fondet e Bankes Boterore. Behet fjale per shkollen 9-vjecare te Kamzes, si dhe te shkolles 9-vjecare Zall-Mner i Ri. Ne fjalen e tyre perfaqesuesit e Bankes Boterore shprehen komplimente per ritmet e punimeve te shpejta dhe cilesore ne ndertimin e ketyre dy shkollave. "Investimi i Bankes Boterore konsiston jo vetem ne ndertimin e ketyre dy shkollave qe po ndertohen aktualisht, por edhe i segmenteve te ndryshme rrugesh qe jane ndertuar, si dhe se shpejti pritet qe te fillojne punimet per ndertimin e dy shkollave te tjera me fondet e BB", u shprehen ata. Projekti per ndertimin e shkolles se re 9-vjecare ne Kamez, si dhe te shkolles 9-vjecare Zall-Mner i Ri, eshte hartuar mbi bazen e detyres se projektimit te vene ne dispozicion nga MASH. Ne kuadrin e marreveshjes kontraktuale midis qeverise se Shqiperise dhe partnereve te saj bashkefinancues (BB, Banka Evropiane e Investimeve dhe Banka e Keshillit te Evropes per Zhvillimin), sipas projektit "Cilesi dhe Barazi ne Arsim". "Aktualisht punimet ne keto dy shkolla jane drejt perfundimit dhe ne shtator ato do te mirepresin nxenesit per te filluar normalisht vitin akademik 2010-2011", deklaroi kryetari i bashkise se Kamzes, Mziu. Perfaqesuesit e institucioneve respektive vizituan dy shkollat, te cilat jane ne ndertim e siper. Ata u befasuan nga standardet me te cilat eshte punuar aty dhe theksuan se ndertimi i ketyre dy shkollave do te kete nje impakt mjaft pozitiv ne sistemin arsimor ne Kamze.