BB, konsultime për ndryshimin e normës bazë të interesit

Këshilli Mbikëqyrës i Bankës së Shqipërisë në mbledhjen e javës së ardhshme do të vendosë mbi politikën monetare për 3-mujorin e parë të vitit 2010, ku një nga elementët kryesorë do të jetë shqyrtimi për ndryshimin ose jo të normës bazë të interesit, që aktualisht është në nivelin 5.75 për qind.  Burime nga banka bëjnë të ditur se gjatë kësaj mbledhjeje, vend kryesor do të zërë dhe diskutimi

mbi gjendjen e ekonomisë gjatë muajve të parë të vitit 2010 dhe perspektiva afatmesme e këtij sektori. Sipas të njëjtave burime mësohet se Banka e Shqipërisë, në misionin e saj, mbetet e angazhuar në hartimin e politikave monetare që synojnë ruajtjen e stabilitetit të çmimeve dhe qëndrueshmërisë së tyre, në përputhje me objektivin e saj. Sistemi bankar shqiptar nuk është prekur nga kriza ndërkombëtare, megjithatë ajo dhe strukturat e saj kanë rritur vigjilencën ndaj aktivitetit bankar në vendin tonë.  Për këtë arsye, Banka e Shqipërisë do të monitorojë me kujdes të veçantë çdo informacion dhe zhvillimet në javët në vijim, bënë të ditur burime nga BSH-ja. Ndërkohë në axhendën e punimeve të Këshillit Mbikqyrës të BSH-së, është parashikuar të diskutohet edhe informacioni "Mbi ndërhyrjet në tregun e parasë dhe në tregun e brendshëm valutor gjatë tremujorit të parë të vitit 2010".

Last Updated on E Hene, 26 Prill 2010 20:38