BE: Bojkoti, jo ne te mire te vendit, PS te hyje ne Kuvend
Ambasadoret e Bashkimit Evropian, i bene serish dje apel opozites te rikthehet ne Kuvend dhe te nise dialogun. Ambasadori i KE-se, Helmut Lohan dhe ai spanjoll, Manuel Montobio, gjate takimeve me Presidentin Bamir Topi dhe kryetaren e Kuvendit, Jozefina Topalli, bene thirrje per nderprerjen e bojkotit, vendosjen e dialogut dhe respektimin e rregullave te demokracise. Gjate bisedes me kreun e shtetit, te zhvilluar ne Presidence, dy personalitetet e larta evropiane, theksuan se dialogu dhe bashkepunimi politik e institucional eshte i domosdoshem, per vazhdimin e reformave jetike per vendin tone. Ne menyre te vecante per realizimin e reformes ne drejtesi, e cila ka mbetur pezull per shkak te mungeses se numrave ne Kuvend. Me konkretisht gjate takimit me Kryetaren e Kuvendit, Topalli, Ambasadori Spanjoll Montobio, tha bojkoti nuk i sherben demokracise. "Parlamenti eshte vendi per opoziten. Bojkoti nuk eshte i mire per vendin dhe per demokracine", u shpreh ai, vetem pak dite pasi Topalli iu beri ftese zyrtare te gjithe deputeteve socialiste qe te rikthehen ne Kuvend. Ne kete kuader, Topalli gjeti rastin qe te theksoje edhe nje here faktin, se ne skadim te afatit kushtetues per paraqitjen e deputeteve ne seance plenare, ajo do te zbatoje ligjin, Kushtetuten, qe ne kete rast parashikon zevendesimin e menjehershem te tyre me anetare te tjere nga lista ne vijim. "Kushtetuta eshte e qarte dhe ajo do te zbatohet", theksoi Topalli. Gjate takimeve si me Presidentin Topi ashtu edhe kryetaren e Kuvendit Topalli, u diskutua dhe perspektiva e Shqiperise drejt anetaresimit ne Bashkimin Evropian. Duke bere nje prezantim te shkurter te programit te Spanjes, ne drejtimin e BE-se ne keto gjashte muajt e pare te vitit, Montobio u shpreh se vendi i tij, Spanja eshte pro zgjerimit te Bashkimit Evropian. Nderkohe qe siguroi se shume shpejt vendi yne do te perfitoje edhe nga procesi i liberalizimit te vizave. Nga ana e tij Presidenti Topi, theksoi faktin se integrimi i Shqiperise ne Bashkimin Evropian eshte perparesi kryesore e politikes se jashtme shqiptare dhe se ne jemi te vetedijshem per perpjekjet madhore dhe sfidat qe duhet te perballim per realizimin sa me te shpejte te kesaj aspirate. Kryetari i shtetit u shpreh i bindur per bashkepunim te plote me Presidencen spanjolle dhe delegacionin e BE-se ne Tirane ne synimin e perbashket te pershpejtimit te procesit te integrimit te Shqiperise ne familjen evropiane.
2 Takime Zhvilluan dje ambasadori i Spanjes, Manuel Montobio dhe ai i KE-se, Helmut Lohan per situaten e tensionuar politike ne vend dhe perspektiven e Shqiperise ne BE. Takimet u zhvilluan me Presidentin Bamir Topi dhe kryetaren e Kuvendit, Jozefina Topalli.
4 Mars Eshte afati i fundit per deputetet e Partise Socialiste, qe te hyjne ne Kuvend dhe te mos humbasin mandatet e tyre. Afati u be zyrtar nga kryetarja e Kuvendit, Topalli, e cila edhe dje theksoi se ne te kundert, ata do te zevendesohen.
Apeli
Nderkombetaret i bene thirrje serish dje partive politike, qe te dialogojne per te nxjerre vendin nga kriza politike. Apeli u be dje nga Ambasadori i Komisionit Evropian, Helmut Lohan dhe ai spanjoll, Manuel Montobio.