BE-Shqipëri, miratohet rezoluta për integrimin europian
Tiranë- Pas përfundimit të takimit të katërt ndërkombëtar për Stabilizim-Asocimin mes Shqipërisë dhe BE-së, është miratuar edhe rezoluta e përbashkët për integrimin e vendit.
Kreu i delegacionit të Parlamentit Europian, Eduard Kukan deklaroi se miratimi i rezolutës është një ndihmesë e madhe në integrimin drejt Bashkimit Europian.
Nuk do të vendosen amendamente të reja në rezolutë. Prioritetet e hartuara në draft janë në interes të vendit, tha Kukan.
Ndërsa deputeja socialiste Valentina Leskaj është shprehur se opozita e mbështet rezolutën dhe do të japë ndihmesën e saj për integrimin. Mesohet se takimi radhës është vendosur të mbahet pas gjashtë muajsh në Bruksel.
Shkrime të tjera me interes: