BE do dergoje specialiste ne Greqi per kontrollin e imigracionit te paligjshem nga Turqia

Bashkimi Evropian do te dergoje nje grup te specializuar rojesh kufitare ne Greqi per te kontrolluar imigracionin e paligjshem qe hyn nga Turqia.

Zedhenesi i Komisionit Evropian Mishel Cerkon i tha Zerit te Amerikes sot se kjo ishte hera e pare qe ishte marre nje kerkese e tille.

Komisioni Evropian tha se do te dislokoje Ekipet Kufitare te Nderhyrjes se Shpejte per te kontrolluar numrin e imigranteve nga vende te tjera qe perpiqen te hyjne ne Greqi permes Turqise. Kjo do te jete edhe hera e pare qe do te dislokohen keto ekipe.

Sipas agjencise Fronteks te BE-se e cila bashkerendon sigurine kufitare 90 per qind e imigranteve te paligjshem ne Evrope hyjne permes Greqise. Me shume se 40 mije persona u kapen duke u perpjekur te hyjne ne Greqi gjate gjysmes se pare te vitit 2010.

Komisionerja e Puneve te Brendshme te BE-se Sesilia Malmstrem tha se situata po behet gjithnje me shqetesuese dhe se Greqia nuk do te jete ne gjendje ta perballoje ate e vetme.