BE-së i kërkohet regjim vizash për zyrtarët bjellorusë

Udhëheqësi i opozitës në Bjellorusi, Aleksander Milinkeviq, i ka bërë thirrje Bashkimit Evropian të rivendosë regjimin e vizave për zyrtarët bjellorusë, “në përgjigje të shtypjes së aktivistëve dhe udhëheqësve politikë” pas zgjedhjeve presidenciale të muajit të kaluar.

Por, ish-kandidati presidencial tha se BE-ja duhet ta bëjë më të lehtë udhëtimin e njerëzve të zakonshëm drejt Unionit.

Milinkeviq i bëri këto komente sot në Bruksel, ku do të marrë pjesë në një takim të veçantë të komitetit të Parlamentit Evropian për Bjellorusinë, që do të mbahet të mërkuren.