BSH: Rritet besimi te ekonomia, bizneset parashikojne progres Eglantina Nasi
Nje besim me i larte tek zhvillimet ekonomike ne vend, shoqeruar me nje parashikim progresiv mbi pritshmerite e te ardhurave dhe punesimin gjate vitit 2013. Kjo fryme pozitive ka karakterizuar ne teresi bizneset qe operojne ne vendin tone gjate tremujorit te fundit te vitit te kaluar. Dukuri kjo, e cila duket se ka ecur paralel me ate te nje perteritje te ekonomise vendase per te njejten periudhe. Nje situate e permiresuar kjo, e Ndjesise Ekonomike ne rang vendi, qe cilesohet ne raportin me te fundit publikuar nga Banka e Shqiperise mbi ecurine e ketij treguesi per fundvitin e kaluar. “Ne tremujorin e katert 2012, treguesi i Ndjesise Ekonomike u permiresua me rreth 6.5%, krahasuar me tremujorin e meparshem”, vlereson ky raport. Duke shtuar se ky permiresim vjen pas renies se vazhdueshme te ketij treguesi, gjate tremujoreve te meparshem. Megjithate, duhet thene se ky tregues vazhdon te qendroje ende poshte mesatares se tij afatgjate, c’ka flet ende per nje stepje te bizneseve dhe konsumatoreve ndaj konsumit dhe investimeve ne teresi. Nga ana tjeter, raporti i BSH-se ben me dije se kontributin kryesor ne permiresimin e besimit ne ekonomi gjate tremujorit te fundit te vitit 2012, e dha sektori i sherbimeve, pikerisht me nje rritje prej 9.7%, krahasuar me tremujorin e meparshem. “Ky permiresim u shkaktua nga permiresimi i vleresimeve i bizneseve per tre perberesit e tij: gjendjen e pergjithshme te biznesit, punesimin dhe gjendjen financiare”, vlereson ky raport. Duke detajuar se bizneset e ketij sektori kane shenuar nje rritje te vleresimit per situaten e pergjithshme ekonomike ne vend, me rreth 13.6%. Ndersa per gjendjen financiare, ata shprehen me nje rritje te besimit, prej rreth 10.5%. Nderkaq, ekspertet e Bankes se Shqiperise, pohojne gjithashtu se ne te njejtin drejtim edhe pse ne nje mase me te ulet, ka ndikuar ne rritjen e treguesit te ndjesise ekonomike edhe permiresimi i lehte i biznesit ne sektorin e industrise. Konkretisht, ky tregues thuhet se u permiresua me nivelin prej 1.2% krahasuar me tremujorin e trete te vitit te kaluar. Shoqeruar me shpjegimin se industrite ne teresi paten nje vleresim me te mire per ecurine e prodhimit dhe te punesimit, si edhe pritshmerite per tremujorin e pare 2013. “Kerkesa e brendshme e ketij sektori eshte permiresuar me nivelin prej 3.4%, ndersa ajo e jashtme, me rritje deri ne 12.5%. Ne permiresim edhe pse me nje shkalle me te ulet, eshte vleresuar edhe pritja e bizneseve per kerkesat ne te ardhmen”, vlereson raporti i BSH-se. Per te vijuar me tej edhe me faktin se ne ndryshim nga tremujoret e meparshem, bizneseve u jane rritur edhe nivelet e inventareve. Ndersa ata shfaqin nje pritshmeri pozitive per ecurine e te ardhurave gjate ketij viti ne te cilin kemi hyre, pikerisht fale nje ulje qe kane shenuar cmimet industriale, por edhe ata te ofruara nga sektori i sherbimeve ne teresi. “Pritjet e bizneseve per ekonomine dhe gjendjen e tyre tremujorin e ardhshem, jane rritur”, perfundon raporti i lartpermendur.