BSH: Shtepia u merr shqiptareve gjysmat e parave Eglantina Nasi

Jetojne me qira, apo vendosin ta blejne nje shtepi, kjo u kushton shqiptareve gati gjysmen e te ardhurave qe ata disponojne. Ky eshte rezultati i nxjerre nga nje studim i posacem i Bankes se Shqiperise, lidhur me kostot reale te blerjes apo qiramarrjes, ne vendin tone. Referuar edhe te dhenave te "Global Property Guide", ai tregon sesi raporti aktual i cmimit te banesave ne Shqiperi, me te ardhurat e qytetareve te saj, jane ne nivelin prej 54.4%. Tregues ky, i konsideruar disi i larte, po te mendosh se per italianet kostoja e te banuarit ze vetem 16.82% te buxhetit te tyre, dhe vetem 12.3% per hungarezet, qe banojne ne Budapest. Per te vijuar me tej me vende te tjera te rajonit si Kroacia, ky qytetaret e Zagrebit paguajne vetem 18.51% te te ardhurave per banesen e tyre, apo ata te Greqise, 25.19% etj.. Por, shtrenjtesia e banesave ne Shqiperi, e servirur se fundmi si nje standard pa kthim pas, duket edhe ne cmimin qe qytetaret e saj duhet te paguajne per blerjen e nje te tille. Keshtu, sipas BSH-se, per nje banese mesatare me siperfaqe 120 m2 ne Tirane, nje shqiptar duhet te paguaje rreth 1474 euro/m2. Shifer kjo ne fakt, e cila megjithese duket e larte per ne, rezulton te jete e tille edhe per vendet e tjera te rajonit. Keshtu, ne Shkup nje banese e tille blihet me 1058 euro/m2; ne Stamboll me 2386 euro/m2; Budapest 1506 euro/m2; Sofje 1759 euro/m2; Prage 3763 euro/m2; Krete 2527 euro/m2; Rome 5305 euro/m2 etj.. Te qenurit e perafert me to, tregon ne fakt se shtepite ne kryeqytetin shqiptar, po kushtojne si ne pjeset e tjera te Europes, duke e bere ne kete menyre, me kalimin e kohes, te barazvlefshem me to per nga aspekti i kushtueshmerise se pasurive te patundshme. Gje qe vlen te thuhet, sipas eksperteve te BSH-se, edhe per qiramarrjen e tyre dhe jo vetem shit-blerjen. Keshtu, listimi i BSH-se tregon se qiraja per nje banese mesatare, me siperfaqe 120 m2, ne Tirane kushton mesatarisht 411 euro/muaj. Vlere kjo, e cila ne fakt, edhe pse e larte per nje qytetar shqiptar, eshte ende e ulet ne krahasim me ata te vendeve te tjera europiane. Per shembull, per kete shtepi ne Beograd, serbeve iu duhet te paguajne plot 1048 euro/muaj, maqedonasve ne Shkup 781 te tilla, turqve ne Stamboll 1457 euro/muaj etj.. Ne fund, studimi i lartpermendur i Bankes se Shqiperise, merr ne konsiderate edhe faktin se sa vite qira nevojitet per ta blere banesen, ku sipas tij, per nje te tille, nje qytetari i duhen plot 35.8 te tilla. Tregues ky, i cili rezulton te jete me i ulet ne disa vende te tjera, si per shembull ne Serbi, per te blere nje shtepi ne Beograd, mjaftojne vetem 17 vite pagese qira, apo ne Shkup 13 te tilla, ne Stamboll 16, ne Budapest 12, ne Sofje 24 etj.. Madje, bie ne sy, se ne te gjithe listimin, Shqiperia e ka kete tregues me te lartin. Cka do te thote, ne terma konkrete, se kushtueshmeria e nje banese ne vendin tone, mbetet ne nivel te larte.