BSH, indekset e besimit

Për herë të parë Banka e Shqipërisë do të prezantojë sot Indeksin e Besimit të Konsumatorit dhe Indeksin e Besimit të Biznesit. Indekset e besimit janë anketime që BSH u drejton agjentëve të ndryshëm ekonomikë të vendit, ku përfshihen biznese të sektorëve të prodhimit, të ndërtimit dhe të shërbimeve, si dhe konsumatorëve. Këto indekse i ofrojnë BSH-së informacion mbi ecurinë e çmimeve, të konsumit, të të ardhurave, të prodhimit, të punësimit, të investimeve e të shumë treguesve të tjerë, të cilët ndihmojnë në vendimmarrjen e politikës monetare.