BSH rritet niveli i kredise

Muaji qershor ka shënuar një rritje të kredisë vjetore në 11,5%. Të dhënat e publikuara nga Banka e Shqipërisë tregojnë se kreditimi po ruan një ritëm konstant rritjeje, që nga gjallërimi i fundvitit 2010.

Por nga ana tjetër edhe depozitat vazhdojnë të rriten me ritme mjaft të larta.

Raporti mes kredive dhe depozitave në fund të Qershorit ka rezultuar në rritje me 2,3% krahasuar me një vit më pare, duke dëshmuar një shëndet të mirë të sistemit bankar shqiptar.