Bajerni bën “zap” edhe Shalken, vendosin Petersen dhe Mëler

Pritje armiqësore për portierin, Manuel Nojer, që pasi veshi fanellën e Bajernit, u cilësua Judë nga ish-tifozët

“Macja e zezë” e Bajernit nuk arriti dot kësaj radhe t’ia vërë shkopinjtë në rrota skuadrës së drejtuar nga Jup Hejckes, pasi bavarezët kanë arritur një fitore të pastër në “Veltins Arena”, 0-2 pas golave të Petersen dhe Mëlerit, nga një për çdo pjesë loje. Por në fakt, sfida ishte e mbushur me emocione dhe ato nisën që me zbritjen e skuadrave në fushën e lojës. Pankarta të shumta me mbishkrimet “Judë”, “Sa e shite veten” apo “Je vetëm një tradhëtar zoti Nojer”, ishin vendosur në tribunat e impiantit gjigant të Gelzenkirshenit. Tifozët e Shalkes, që me “kolegët” bavarezë janë armiq për vdekje nuk ia falën Nojerit kalimin në Mynih.

Sa për kronikën e lojës, Petersen do të shënojë golin e parë pas asistit të Frenk Riberi në minutën e 21-të, ndërsa në pjesën e dytë do të jetë Tomas Mëler njeriu që vendos fatet e takimit pas një tjetër pasimi të artë të mesfushorit francez. Pas kësaj fitoreje, skuadra bavareze merr e vetme kreun e rendijtes me 15 pikë pas 6 ndeshjesh.

Hanoveri përmbys Dortmundin

Hanoveri përmbys kampionët e Dortmundit dhe çfarë përmbysjeje. Në një ndeshje të luftuar dhe me shumë emocione, kampionët kanë ngecur përballë skuadrës së Altin Lalës, që dje ka bërë spektaktorin nga stoli i rezervave. Sfida ka dhuruar emocione të shumta, por më të forta ato janë bërë kur mesfushori japonez Shinji Kagava do të shënonte golin e avantazhit për djemtë e Jurgen Klop. Megjithatë, duket se Mirko Slomka nuk do të marrë më të mirën nga të tijtë pikërisht pas këtij momenti. Goditja e këndit e harkuar nga Veidfeller do të shndërrohet në asist për kapitenin Hagui, që do të barazojë shifrat në minutën e 87-të. Vetëm 120 sekonda më pas Didie Ja Konan do të realizonte golin e avantazhit dhe të fitores duke çuar në delir tifozërinë vendëse. Megjithatë, përpara këtyre momenteve, Hagui do të do të godiste traversën në të 84-ën, ndërsa Da Silva i Dortmundit do të ndalte me dorë një top që po kalonte vijën fatale.

Bundesliga – Java VI

Rezultatet

Të premten

Freiburg – Shtutgart 1-2

Dje

Nuremberg – Verder 1-1

Leverkusen – Këln 1-4

Hamburg – Borusia M. 0-1

Hofenheim- Volfsburg 3-1

Herta – Augsburg 2-2

Kaizerslautern – Mainz 3-1

Sot

Hanover – Dortmund 2-1

Shalke – Bajern Mynih 0-2

Renditja

Skuadra N F B H P

1.Bajern 6 5 0 1 15

2.Verder 6 4 1 1 13

3.Borusia M. 6 4 1 1 13

4.Hofenheim 6 4 0 2 12

5.Hanover 6 3 2 1 11

6.Shtutgart 6 3 1 2 10

7.Leverkusen 6 3 1 2 10

8.Nurenberg 6 3 1 2 10

9.Shalke 6 3 0 3 9

10.Hertha 6 2 3 1 9

11.Dortmund 6 2 1 3 7

12.FC Këln 6 2 1 3 7

13.Mainz 6 2 1 3 7

14.Volfsburg 6 2 0 4 6

15.K’lautern 6 1 2 3 5

16.Freiburg 6 1 1 4 4

17.Augsburg 6 0 3 3 3

18.Hamburg 6 0 1 5 1