Bajerni mendon për Champions

Drejtuesit e Bajernit të Mynihut duket sa kanë filluar të mendojnë menjëherë për Ligën e Kampioneve, ku do të kthehen në sezonin e ardhshëm, kur skuadrën do ta drejtojë Jurgen Klinsman. Administratori Uli Hënes ka bërë të qartë se ky turne do të ketë një rëndësi të veçantë. "Objektivi kryesor për ne në këtë sezon ishte të fitonim kampionatin dhe jemi shumë të kënaqur që e arritëm atë. Për në sezonin e ardhshëm do t‘i japim më shumë rëndësi pjesëmarrjes në Ligën e Kampioneve", u shpreh ai.