Bajko i “trembet” 10 kartonave të verdhë të Luftëtarit

Partizani e ka vlerësuar maksimalisht ndeshjen e radhës me Luftëtarin, ekipin që mposhti Dinamon 2-0. Skuadra e Bajkos synon të marë pikët maksimale me formacionin e Ilir Spahiut, një ish-trajner i dikurshëm i të kuqve dhe një nga kandidatët "verorë" për të drejtuar skuarën e presidentit Xhani. Partizani, vjen në sfidën me Luftëtarin pas barazimit 0-0 me Teutën, ku më të mirët kanë qenë për të kuqtë mbrojtësi Alain Kardek dhe mesfushori Dritan Babamusta, të cilët shënuan edhe në fitoren 3-2 të Partizanit me Apoloninë. Por, ashtu si dhe në takimin e së dielës me durrsakët, do të mungojnë sërish kapiteni Dorian Bylykbashi dhe autori i golit të më të shpejtë në të gjithë historinë e kampionateve shqiptare, 21 vjecarit Gjergji Muzaka, që 29 shtator mbush 22-vjec. Një tjetër shqetësim për trajnerin 60-vjecar Neptun Bajko, është dhe rikuperimi jo i plotë i mesfushorit të Kombëtares së Shpresave, 20-vjecarit Elis Bakaj.
Entuziazmi në kampin gjirokastrit është rikthyer sërish pas fitores me Dinamon, dhe në shërbim të skuadrës do të jetë edhe i riktthyeri nga pezullimi me karton të kuq Ylli Shameti, si dhe Fejzo Shenaj e Arbër Bistri.
Ish-trajneri i Kombëtares, Neptun Bajko i trembet jo pak lojës së ashpër të futbollistëve të Luftëtarit, ekipit që është ndëshkuar më shumë në Superligë me plot 10 kartona të verdhë dhe një të kuq.