Ban Ki-mun fton irakianët të votojnë

Ditët e fundit të fushatës për zgjedhjet parlamentare, të dytat që nga rrëzimi i Sadam Huseinit në vitin 2003, janë shoqëruar me një varg shpërthimesh vetëvrasëse që lanë dhjetëra të vdekur.

Vetëm sot, tre persona humbën jetën dhe mbi 50 të tjerë u plagosën në afërsi të një tempulli shiit në qytetin Naxhaf pas shpërthimit të një automjeti bombë.

Edhe pse masat e sigurisë janë shtuar në prag të zgjedhjeve, shpërthimi nuk është parandaluar.