Banka Qendrore diskuton me shoqaten e bankave
Banka Qendrore e Shqiperise nisi sot diskutimet me shoqaten e bankave per te thelluar bashkepunimin perballe rrezikut te kredive problematike. Eksperte te te dyja paleve shqyrtuan nje pakete masash per te shmangur rreziqet afatshkurtra ne sistemin bankar. Banka Qendrore dhe shoqata e bankave rane dakord per pjesen derrmuese te nje pakete te re masash mbikeqyrese te sistemit bankar per te shmangur kredite e keqija dhe per te rritur sigurine e ketij sistemi. Projekti i Bankes Qendrore parashikon shkembim te perditshem informacioni qe i sherben asaj per te marre vendime qe shmangin rreziqet e kredise dhe rreziqet sistemit bankar te vendit prej ekspozimeve te gjera.
Drejtori i departamentit te mbikeqyrjes Indrit Banka thote se kjo eshte pjese e nje analize te thelluar ne detaje qe Banka e Shqiperise kryen vazhdimisht. Sipas tij mjedisi ekonomik eshte i qendrueshem por ende po perballet me sfida edhe ne afatshkurter. Kerkesa ka evidentuar dhe vazhdon te evidentoje shtrengime te konsiderueshme. Pra kreditimi duhet pare si nje element qe i ka te dyja krahet edhe krahun e kerkeses edhe krahun e ofertes. Ne sot kemi diskutuar per te bere krhun e ofertes me eficent. Nderkohe i mbetet tregut dhe publikut te shohe pjesen e kerkeses - tha zoti Banka.
Banka e Shqiperise ka bere beri thirrje per te shmangur kredite problematike ne rritje. Banka Qendrore vleresoi se sistemi financiar dhe bankar i vendit jane te qendrueshem por sfida kryesore mbetet cilesia e kredive. Ne nje deklarate te disa diteve me pare Banka verejti se ne sektorin bankar po perkeqesohet cilesia e kredise sepse kredite me probleme u rriten ne 12.2 per qind te totalit.
Ndersa perfaqesuesi i shoqates se bankave Gazmend Kadriu tha pas takimit te sotem se bankat e nivelit te dyte shprehen gadishmerine te kreditojne me shume ekonomine e vendit kundrejt sigurive me te medha nga banka qendrore. Bankat do te fillojne tani qe te marrin me shume funksionin e mbeshtetjes se kreditimit te ekonomise mbeshtetjes se zhvillimit ekonomik te gjithe vendit. Mirepresim konkretizimin perfundimtar te bisedave per te gjitha detajet teknike te atyre masave qe u diskutuan ne parim sot ne takim - deklaroi zoti Kadriu.
Banka e Shqiperise u beri thirrje bankave te nivelit te dyte qe te forcojne mbikeqyrjen e cilesise se kredive dhe te shtojne fondet rezerve. Sipas saj bankat duhet te lokalizojne sektoret dhe kredimarresit e caktuar me probleme dhe nga ana tjeter te zgjerojne shumellojshmerine e portofolit te kredive. Nga studimet e eksperteve mbi rezistencen e sektorit bankar doli se gjendja financiare e ketij sektori eshte e mire dhe perballon nje keqesim te mundshem te situates ndonese ndjeshmeria e saj ndaj rreziqeve eshte rritur.