Bankat, me shume kredi individeve sesa bizneseve Eglantina Nasi

Bankat po u japin me shume kredi individeve, sesa bizneseve. Nje fakt i tille rezulton nga te dhenat me te fundit te publikuara prej Bankes se Shqiperise, per aktivitetin kreditues gjate tremujorit te dyte te vitit 2012. "Rezultatet e vrojtimit te ketij aktiviteti, tregojne se standardet e kredise dhene bizneseve jane shtrenguar lehtesisht, nderkohe qe ato dhene individeve kane mbetur te pandryshuara", - citon ky raport. Duke shtuar me tej se standardet kane ngelur te pandryshuara si per kredine dhene konsumatoreve per blerje banese, ashtu edhe per financimin e konsumit. Ndersa, per bizneset, standardet jane shtrenguar kryesisht per kredine dhene ndermarrjeve te vogla e te mesme. Dhe referuar qellimit te perdorimit te kredise, ato jane shtrenguar me shume kryesisht per kredine e dhene per financimin e investimeve. Ne shifra konkrete, raporti i BSH-se tregon se -6.2% ka qene niveli ne zbritje i miratimit te kredive per bizneset gjate tremujorit te dyte te vitit 2012, ndersa ato te dhena per individet nuk kane shenuar renie (0%) gjate kesaj periudhe. Me tej, ekspertet bankare sqarojne se faktoret kryesore qe kontribuuan ne shtrengimin e standardeve te kredise per bizneset, kane qene pikerisht problemet specifike te sektorit ku operon aktiviteti privat (-58.3%) dhe situata e kredive me probleme qe ata paraqesin (-49.6%). Por ne te njejten kohe, duket se ka ndikuar ne nje mase jo te vogel, edhe dhe situata e pergjithshme makro-ekonomike e vendit (-33.1%). Ndersa per individet, ekspertet e BSH-se referojne se kane qene pikerisht kredite me probleme, gjendja financiare e individeve, por dhe zhvillimet ne tregun e pasurive te paluajtshme; nder faktoret kryesore qe kontribuuan ne shtrengimin e standardeve te kredise dhene atyre gjate tremujorit te dyte te vitit 2012. Perkatesisht, ne shifra, ndikimi i ketyre faktoreve ne kredidhenien ndaj kesaj kategorie ka qene ne nivelet prej -29.1%, -29.1% dhe -28.2%. Nga ana tjeter, mesohet se kushti kryesor nepermjet te cilit eshte zbatuar politika shtrenguese e bankave ndaj aktivitetit te tyre kreditues, vijon te jete kerkesa per kolateral, si per bizneset ashtu edhe per individet. Konkretisht, raporti i BSH-se referon se ne rastin e pare, ky tregues ka ndikuar me nivelin renes prej -27.7% te akordimit te kredive, kurse per individet ai ka figuruar te jete ne nivelin prej -15.7% gjate se njejtes periudhe. Cka do te thote ne terma praktike, se si bizneseve ashtu edhe individeve, bankat u kane kerkuar me shume kolateral se me pare, te lene ne forme garancie, per te perfituar te drejten e miratimit te nje kredie.

Pritshmeria, kreditimi do te "clirohet"

"Pritshmeria e bankave per standardet e kredidhenies gjate tremujorit te trete te vitit 2012 jane me optimiste krahasuar me vleresimet per standardet e aplikuara gjate tremujorit te dyte". Ky eshte vleresimi qe japin ekspertet e Bankes se Shqiperise, lidhur me ecurine e aktivitetit kreditues ne teresi, gjate tremujorit te ardhshem, krahasuar me ate qe u regjistrua deri tani. "Bankat nuk presin te vijojne prirjen shtrenguese te standardeve te kredise se dhene bizneseve gjate tremujorit te trete, nderkohe qe presin te lehtesojne ato te individeve", - sqarojne me tej ata.

Bie kerkesa per kredi, me shume "frike"

Ndersa ka shenuar renie oferta e kredive nga bankat, duket se nje dukuri e tille ka perfshire edhe kahun tjeter, ate te kerkeses per to. "Kerkesa per kredi vleresohet te jete ulur perseri ne tremujorin e dyte te vitit 2012, megjithese me ne nje mase me te ulet, si per bizneset ashtu edhe per individet", - vlereson raporti i fundit i Bankes se Shqiperise. Duke shtuar se me te kujdesshme ne kerkesen per te marre nje kredi ne banke, kane qene kryesisht ndermarrjet e vogla dhe te mesme, sidomos per nje kredi per qellime investimi. Ndersa sa u perket shkaqeve qe i drejtojne bizneset drejt sporteleve te bankave per te marre nje kredi, BSH permend kryesisht qellimin e financimit te kapitalit te tyre qarkullues. "Nevoja per financimin e kapitalit qarkullues dhe perdorimi i burimeve alternative financuese jane faktoret qe kane kontribuar pozitivisht kerkesen per kredi, gjate tremujorit te dyte te vitit 2012", - citojne ekspertet e saj. Ndersa shtojne se kerkesa per kredi mbi qellime investimi, vijon te mbetet negative. Nga ana tjeter, lidhur me kredite qe kerkojne individet, Banka e Shqiperise citon se "vihet re nje ngadalesim me i vogel ne kerkesen per qellim blerje banese, sesa per ate per financimin e konsumit". "Perdorimi i burimeve alternative te financimit dhe zhvillimet ne tregun e pasurive te paluajtshme ishin faktoret me ndikimin kryesor negativ ne rritjen e kerkeses konsumatore per te marre kredi, gjate tremujorit te dyte te vitit 2012", - thuhet ne raportin e BSH-se.