Banoret ne proteste per infrastrukturen
Vlore- Banoret e lagjes "1 Maji" ne Vlore, protestojne per infrastrukturen e mjerueshme qe e ka lene bashkia dhe braktisjen nga pushteti vendor. Protesta e djeshme me thirrje e parulla kunder bashkise, eshte pasuar nga deklarata te forta te institucionit dhe akuza ndaj krereve te PD-se lokale per trillim te situatave dhe nxitje te qellimshme. Banoret e lagjes "1 Maji" bllokuan dje aksin rrugor Vlore-Zvernec, konkretisht ne vendin e njohur "Kume", dhe kane kerkuar me force, nderhyrje te bashkise per rehabilitimin e infrastruktures ne kete zone, e cila eshte inekzistente. Banoret i kane kerkuar kreut te bashkise se Vlores, Shpetim Gjika, te mos kerkoje prej tyre vetem votat, sikunder ka bere ne fushate dere me dere, por te shkoje te shohe se si jetojne banoret e kesaj lagjeje te vjeter te qytetit. Ata deklaruan se protestat e tyre do te vijojne dhe ne rast se nuk nderhyhet nga bashkia per rehabilitim te rrugeve e infrastruktures do ta bllokojne qarkullimin. Kater dite me pare, banore te lagjeve "Kushtrim" e "Lirim", bllokuan per disa minuta rrugen. Nderkohe qe dje, shefi i kabinetit te bashkise Vlore, Arben Beqiraj, akuzoi deputetet e qarkut, Ardian Kollozi, Kreshnik Cipi, dhe drejtoret rajonale te shume institucioneve, si Telekomit, Ujesjellesit, Punes, ALUIZNI-t, dhe Portit, se kishin organizuar kete proteste pas nje takimi sekret te mbajtur ne Rezidencen Qeveritare ne Vlore, ne fshehtesi te plote.
O. Hila