Barack Obama voton më herët

Presidenti amerikan Barack Obama ka votuar në qytetin e Çikagos, Illinois, duke u bërë kështu i pari president i Shteteve të Bashkuara që voton më herët në kuadër dhe të një fushate maratonë dy-ditore nëpër gjashtë shtete.
 

Votimi më herët i presidentit është pjesë e përpjekjeve të ndërmarra nga organizatorët e fushatës së tij për të inkurajuar votimin paraprak, i cili mbahet sivjet dhe në më shumë shtete. Zonja e Parë, Michelle Obama, ka votuar me postë më 15 tetor.
 

Fushata ka hyrë tashmë në një fazë mjaft kritike. Presidenti Barack Obama, ndalet në një ditë në tre shtete, Florida, Virginia dhe Ohio. Ai i fitoi të gjitha në 2008 por fitorja e tij aty nuk është më e sigurt 4 vjet më vonë. Mit Romney ndalet në Ohio, ndërsa Paul Ryan në Virginia. Të treja këto shtete vlerësohen si tejet kyçe në garën elektorale.
 

Trembëdhjetë ditë nga zgjedhjet, një anketë e re kombëtare tregon se kandidati republikan Mitt Romni ka mbështetjen e rreth 50% të amerikanëve kundrejt 47% që mbështesin presidentin Obama.
 

Sondazhi i bërë nga televizioni ABC News konstaton se kur u pyet për të cilën kandidati ata do të besojnë më shumë për të trajtuar ekonominë, 52% mbështetur Romney kundrejt 43% për Obamën.
 

Ndërkohë një tjetër grup që Obama pritet të marrë vota, pas grave janë edhe homoseksualët, pasi stafi i tij njiftoi të enjten se ai mbështet kërkesat e tyre për martesë në tre shtete që pritet të mbajnë referendume mbi këtë cështje në nëntor.