Barroso Nuk ka plane financiare per te ndihmuar Portugaline

Presidenti i Komisionit Evropian Zhose Manuel Barroso mohoi zerat se po pergatitet nje plan ndihme financiare per Portugaline. Ai tha se problemet qe kane dale ne disa vende te eurozones jane duke u zgjidhur me guxim. Zyrtaret evropiane po perpiqen te qetesojne tregjet financiare ne kushtet kur euroja ka rene ne nivelin me te ulet ne dy muajt e fundit kundrejt dollarit.

Presidenti i Komisionit Evropian Zhose Manuel Barroso mohoi sot prere zerat se nje plan financiar per Portugaline eshte ne pergatitje e siper.

Mendoj se problemet qe kemi ne disa vende te Eurozones jane duke u perballuar me guxim te madh nga qeverite perkatese. Ne kemi besim te plote te politikat qe jane parashtruar. Ne te njejten kohe qeverite e ndryshme kane deklaruar publikisht se jane te gatshme te bejne perpjekje shtese nese eshte e nevojshme. Sidoqofte ne kemi instrumentet ne eurozone dhe ne Bashkimin Evropian per tu perballur me cdo problem.

Gazeta Financial Times Deutschland citonte burime te paidentifikuara sipas te cilave disa vende te eurozones deshironin qe Portugalia te kerkonte ndihme per te mos lejuar qe Spanja ekonomia e peste me e madhe e Bashkimit Evropian te detyrohet te ndjeke shembullin e saj.

Portugalia e cila pergatitet te miratoje sot nje plan shkurtimesh te thella buxhetore i mohoi zerat per ndihme financiare me te njejten force si dhe zoti Barroso i cili eshte portugez.

Zoti Barroso i beri komentet ne Paris ne pergjigje te nje pyetjeje nese Portugalia do te ndiqte shembullin e Irlandes per te kerkuar shpetim financiar.

Komente beri edhe Kancelarja gjermane Angela Merkel e cila tha dje ne Berlin se Euroja qe perdoret nga 16 vende do te mbijetoje krizen e borxheve qe ka perfshire kontinentin evropian. Ajo shtoi se asnje vend i eurozones nuk rrezikon te ristrukturoje borxhin e vet.

Shume analiste kane shprehur shqetesim se vlera e euros mund te bjere edhe me tej nese Spanja dhe Portugalia ndjekin shembullin e Greqise e te Irlandes duke kerkuar ndihma financaire masive nga komuniteti nderkombetar.