Basha: Prioritet aplikimi dhe liberalizimi i vizave

Ministri i Jashtem, Lulezim Basha priti dje ne nje takim te vecante zevendesministrin e Jashtem cek, Tomas Pojar i cili ka ardhur ne Tirane per te diskutuar detajet e kerkeses qe do te bej Shqiperia, per te marre statusin e vendit anetar prane Komisionit Evropian. Ne fjalen e tij, ministri i Jashtem, Basha deklaroi se aplikimi per vend anetar ne Bashkimin Evropian dhe liberalizimi i plote i vizave per qytetaret shqiptare, jane prioritete absolute te qeverise shqiptare dhe te politikes se jashtme. Ne kete kuader Basha, i beri me dije zevendesministrit cek se qeveria shqiptare e shikon gjashtemujorin e Presidences ceke, si periudhen me te pershtatshme per Shqiperine, per te aplikua e per te kerkuar statusin e vendit kandidat ne BE. Gjate bisedes Basha dhe Pojar, vleresuan se eshte mjaft i rendesishem koordinimi i hapave te metejshem diplomatike, per te realizuar aplikimin per anetaresimin e Shqiperise ne BE. Ne kete kuader mes dy bashkebiseduesve u vendos se do te vazhdohen bisedimet paraprake per kete hap te rendesishem, qe pritet te ndermerret nga ana e Shqiperise. Po keshtu gjate takimit, Basha dhe Pojar vleresuan si te shkelqyera marredheniet dypaleshe mes Shqiperise dhe Cekise, si ne dimensionin politik ashtu edhe ne ate ekonomik.