Basha: “Standardi i punimeve, nuk do te komprometohet”

Kryetari i Bashkise se Tiranes Lulzim Basha ka inspektuar dje punimet ne rrugen “Gjon Buzuku”, e cila gjenden ne njesine bashkiake numer 8 ne kryeqytet. Kjo eshte nje tjeter rruge ne kryeqytet qe i shtohet listes se rrugeve qe po rikonstruktohen nga bashkia e Tiranes, pas me shume se 10 vitesh. Vete kryetari i bashkise Basha, gjate nje bashkebisedimi me banore te zones shprehu garancine se administrata e Bashkise do te kete ne vemendjen e saj te gjithe infrastrukturen ne kryeqytet pa bere dallime partiake, sikunder garantoi cilesi ne punime, pa kompromentuar ne asnje moment me standardet e punimeve. “Ky eshte nje investim i munguar prej dhjetera vitesh dhe dua te garantoj banoret qe sikunder edhe ne zona te tjera, ne periferi apo ne qender ku nuk eshte vene dore prej shume kohesh, Bashkia ka nje vemendje te vecante, e cila po vertetohet me nderhyrjet tona. Nuk eshte thjesht nje vemendje ne kuptimin platonik te fjales, por eshte nje vemendje financiare, buxhetore qe po perkthehet ne vepra publike. Ne Tiranen e administrates se drejtuar nga une, nuk ka “dele te zeza” dhe te “dele te bardha”. Parate e qytetareve per buxhetin e Tiranes do te shpenzohen ne menyre proporcionale, sigurisht me theks te vecante aty ku nevojat jane me te medha dhe me akute, sic eshte rasti me kete zone te vjeter autoktone te Tiranes por te lene ne harrese prej shume kohesh”, – theksoi kreu i Bashkise se Tiranes. Basha tha se standardi i punimeve eshte i garantuar. “Standardi i punimeve nuk do te komprometohet ne asnje cast. Aty ku ka nevoje per investime sa me gjitheperfshirese, aty do te behen, atje ku investimet kane qene gjysmake do te perfundohen. Ne rastin konkret investimet jane gjitheperfshirese, perfshijne rrjetin nentokesor, sistemim-asfaltim shume te thelle te zones, duke perfshire trotuaret dhe rrjetin elektrik dhe sipas kerkesave te komunitetit, Bashkia do te beje detyren e vet, duke pastruar disa zona, disa vatra te mbetura ne gjendje te mjerueshme prej kohesh, qe sipas rastit jane ose prone publike, ku behet fjale per strehime te vjetra te Ministrise se Mbrojtjes, ose prone private por ne rastin e prones private, nuk do te cenohet, asnje centimeter katror i prones, por vatrat e infeksionit do te eliminohen. Behet fjale per afro 4 sheshe te tilla, te cilat do te rehabilitohen, do te pastrohen dhe do te jene ne funksion te nje cilesie te permiresuar te jeteses per afro 3 mije banore, rezidente te kesaj zone dhe mbi 5 mije banore te zones me te gjere qe perdorin kete arterie, ose si kembesore ose si automobiliste”, - u shpreh kryebashkiaku Basha.