Basha: Ulje taksash dhe transparence ne vendimmarrjen e bashkise, premtimi im

Ulje e taksave dhe transparenca ne vendimmarrjen e bashkise per t'u ardhur ne ndihme banoreve te Tiranes. Ky eshte mesazhi qe ka dhene dje kandidati i Partise Demokratike per Tiranen, Lulzim Basha gjate takimeve qe ka zhvilluar dje ne Njesine 4 ne Tirane. "Une ju premtoj se do t'i ul taksat, dhe ju do te keni rastin te shihni vete se ku do te shkojne taksat qe paguani", u tha Basha, pasi eshte njohur me gjendjen e zones se Alliasit dhe mungesen e investimeve prej vitesh nga ana e bashkise se Tiranes. Basha ka theksuar gjate takimeve me banoret se, gjendja e mjerueshme e njesise bashkiake numer 4 vjen si pasoje e teatrit te politikes, qe nuk kujtohet per qytetaret. Ne zonen e Alliasit ka 60 mije banore, te cilet Bashkia e Tiranes i ka lene ne kushtet e veteqeverisjes. Qytetaret i kane shprehur kandidatit te PD-se faktin se kane kohe qe nuk qeverisen nga bashkia e Kryeqytetit. Basha diskutoi dhe pa nga afer gjendjen e renduar te infrastruktures dhe degjoi hallet dhe problemet e qytetareve te kesaj zone. Alliasi eshte rasti tipik i mungeses se vemendjes se autoriteteve te Bashkise se Tiranes. Banoret i shprehen shqetesimin kandidatit Bashes ne lidhje me menaxhimin e taksave. Ata thane se i paguajne rregullisht ato, por nuk marrin asnje sherbim prej bashkise. Ne kete zone nuk ka rruge, shkolla, kanalizime dhe lulishte, si dhe mungon infrastruktura me bazike per te jetuar. "Keto rruge, i kemi shtruar vete me cakull, kanalizimet i kemi bere vete, te gjitha i kemi bere vete", i thane Bashes banoret, te irrituar nga harresa e bashkise. Pjesa me e madhe e femijeve te kesaj zone, bejne gjysme ore rruge ne kembe per te shkuar ne shkolle. Te gjithe banoret qe kandidati Basha takoi, u shprehen se ka 18 vite qe ne Allias mungojne investimet. Disa prej tyre hedhin edhe dyshime per abuzime te bashkise me fondet. "Behet nje tender, nis puna, por asnjehere nuk mbaron", u shprehen banoret.