Basha, banoreve: Vazhdoni evakuimin
Shkoder-Ministri i Brendshem, Lulzim Basha, i cili kryeson Komitetin Nderministror te Emergjncave Civile, i ka bere thirrje dje banoreve te zonave te permbytura te vazhdojne evakuimin. Gjate nje interviste te drejtperdrejt nga Shkodra per TV Klan, Basha tha se evakuimi eshte e vetmja rruge, qe ndihmon forcat e ushtrise dhe policise, per t'i ardhur ne ndihme banoreve. "Ne kemi arritur qe ne pikat ku jane bere evakuimet, te jene edhe pikat me te lehta per ushtrine dhe policine per depozitimet me ushqime". Procesi i evakuimit vazhdon, tha Basha, por ritmet nuk jane ato qe kerkojme ne. "Ndonese u bene disa dite qe ne e perserisim kete thirrje, nivelet e evakuimit nuk jane ato qe deshirojme. Para krijimi te komitetit nderministror ka pasur nje hezitim te banoreve per t'u evakuuar, pasi nivelet e atehershme te ujit dukeshin jo kercenuese, por sot kur flitet me banoret nje pjese e tyre e konsiderojne situaten ndonese problematike jo te panjohur per ta. Megjithate situata nuk duhet nenvleresuar. Une i besoj pervojes se banoreve dhe cmoj perpjeket e tyre per te levizur familjet e tyre dhe vecanerisht ata qe i kane strehuar keto familje ne pikat me te larta te zones, por kjo eshte nje situate krejtesisht e paparashikuar, sic eshte edhe situata e kohes dhe situata e prurjeve hidrike. Ndaj per te lehtesuar punen tone per t'u ardhur atyre ne ndihme banoreve dhe per te kryer sherbimet elementare ndaj tyre, ata duhet ne nje fare mase te neglizhojne pervojen e meparshme dhe t'i binden thirrjes se autoriteteve per evakuim", tha gjate ketij prononcimi ministri Basha.
Ai siguroi mbeshtetje te plote jashte zonave te permbytjes dhe brenda tyre, per furnizimin e banoreve me ushqime, medikamente dhe uje te pijshem. Sipas tij, nje prioritet tjeter ka qene edhe perforcimi i argjinatures. "Aty ku ka qene e mundur kemi dislokuar reparte ushtarake te batalionit te transportit, batalionit Komando, Brigades se Reagimit te Shpejte, qe kane bere perforecimin e argjinatures se Dajcit. Nderkohe vazhdon perforcimi i argjinatures edhe ne pjeset e tjera te lokaliteteve te permbytura". Megjithate sipas Bashes, prioriteti numer nje, mbetet shpetimi i jeteve njerezore, objektiv qe deri tani e konsiderojme 100 perqind te suksesshem. "Por parakusht per te mbajtur kete objektiv ne parametrat e sukesit, eshte vazhdimi me cdo kusht i evakuimit. Ne po marrin masa per mbrojtjen e infrastruktures primare dhe sekondare te argjinaturave, nenstacioneve elektrike, pompave te uj
it. Natyrisht qe jo gjithmone kemi qene ne gjendje t'i pergjigjemi ketyre objektivave, pasi situata ne terren ndryshon dhe sasia e ujit eshte e tille qe shpeshhere permbyt disa pjese te infrastruktures, duke nxjerre jashte funksionit nenstacionet. Megjithate deri tani ky objektiv ka siguruar qe ne mbi 95 perqind te zones te vazhdoje furnizimi me energji elektrike, nderkohe qe 100 perqind e zones mbulohet me uje te pijshem", pohoi ministri Basha.