Bashkia e Tiranës padi ndaj policisë së kryeqytetit

Bashkia e Tiranës ka paditur sot në Prokurori Policinë e Tiranës pas përplasjes së policisë së Rendit dhe asaj Bashkiake për një truall toke më qendër të kryeqytetit. Drejtori i Inspektoriatit të Ndërtimit në Bashkinë e Tiranës Afrim Qendro ka dorëzuar padinë në Prokurorinë e Tiranës.
Mosmarrëveshjet për pronësinë e tokës në qendër të Tiranës e kthye mbrëmë në një arenë debati, sherri e deri konfrontim mes policisë së rendit dhe bashkiake. Protesta në fakt ka nisur nga ata që pretendojnë se janë pronarë dhe që mbështeten nga policia bashkiake dhe atyre që kanë nisur aty të ndërtojnë një pallat dhe që mbështeten nga policia e rendit.