Bashkia, refuzon bashkepunimin me ILDKP

Bashkia e Tiranes refuzon te bashkepunoje me Inspektoratin e Larte te Deklarimit te Pasurive, ne lidhje me hetimin qe ka nisur ky i fundit per parandalimin e konfliktit te interesave nga kryebashkiaku Rama, ne dhenien e lejeve te ndertimit. Pas denoncimit te bere nga Zyra per Mbrojtjen e Qytetareve si dhe pas ngritjes se Komisionit hetimor parlamentar qe kane si objekt hetimin administrativ per menyren e dhenies se lejeve te ndertimit ne mbledhjet e datave 22 mars dhe 17 prill 2009, te KRRT se Tiranes, Inspektorati i Larte i Deklarimit te Pasurive nisi ne maj te ketij viti, nje hetim te pavarur. Ky institucion i ka kerkuar bashkise se Tiranes nje sere dokumentesh te cilat i nevojiten per kete hetim, por pavaresisht se kthimi i pergjigjes dhe vendosja e ketij dokumentacioni te kerkuar ne dispozicion te Inspektoratit eshte nje detyrim ligjor, Bashkia nuk i ka kthyer nje pergjigje ketij te fundit, cka behet pengese per marrjen e nje vendimi perfundimtar mbi hetimin ne fjale.

Ne keto kushte, Inspektorati ka urdheruar zgjatjen e hetimit per nje afat 30 ditor me qellim qe t'i jape kohen e nevojshme bashkise te kryeje detyrimin e saj ligjor dhe te vendose ne dispozicion te tyre dokumentacion e kerkuar. Ky urdher per dijeni i eshte derguar dhe Zyres per Mbrojtjen e Konsumatoreve dhe Kuvendit te Shqiperise.

Bashkia e Tiranes te njejten indiference ka treguar dhe ndaj kerkeses se Kuvendit per te disponuar dokumentet, te cilat i sherbejne hetimit, qe po kryen Komisioni parlamentar i ngritur ne muajin maj, duke u bere edhe ne kete rast pengese per zbardhjen e procedurave te ndjekura per dhenien e lejeve te ndertimit ne mbledhjet e KRRT.