Bashkimi Evropian i vendosur per klimen dhe krizen financiare

Vendet e Bashkimit Evropian do t'u permbahen objektivave dhe afateve te percaktuara me heret per te perballuar ndryshimet klimatike, pavaresisht nga kundershtimet e disa vendeve. Njoftimi eshte bere nga presidenti francez, Nikolas Sarkozi, ne perfundim te punimeve te nje samiti dyditor te udheheqesve te bllokut ne Bruksel. Ai tha se do te gjendeshin "zgjidhje" per vendet qe kishin shprehur shqetesim. Disa vende kane kercenuar se do te bllokojne marreveshjen e arritur ne fund te vitit te shkuar, per te pakesuar nivelin e emetimit te gazrave qe shkaktojne efektin sere ne BE, duke cituar si shkak renien e ritmeve te zhvillimit ekonomik. Ndasite rreth ndryshimeve klimatike kontrastojne me unitetin qe tregoi blloku ne perballimin e krizes bankare. Kriza financiare i ka shtyre disa vende si Polonia dhe Italia qe te argumentojne se nuk e perballojne dot qe te vendosin nivelin te larta per emetimet e sektorit te tyre industrial. Sarkozi, vendi i te cilit ka presidencen e radhes se Bashkim Evropian, deklaroi se "paketa e klimes eshte aq e rendesishme, saqe ne nuk heqim dot dore prej saj me pretekstin e krizes financiare". Presidenti i Komisionit, Zhose Manuel Barrozo deklaroi se nuk do te hiqej dore nga beteja ndaj ndryshimeve klimatike. Arritja e nje marreveshje deri ne dhjetor ne kete ceshtje duket si shume ambicioze, po te kihen parasysh parashikimet gjithmone e me pesimiste te ekonomise evropiane. Evropa veproi me ngut per te perballuar krizen financiare, por vetem sa po fillon te llogarise koston e saj per vendet e punes dhe ne zhvillimin ekonomik. Presidenti francez, Sarkozi shpjegoi se vendet e Bashkimit Evropian duhet te shqyrtojne mundesine e nje plani te koordinuar shpetimi per industrine, ashtu si kishin bere per bankat.