Bayern nuk e pret Tonin

Luca Toni nuk do të kthehet në Bayern Munich. Kryetari i gjigantit bavarez, Karl-Heinz Rummenigge, ka përjashtuar mundësinë e rikthimit të sulmuesit italian, aktualisht i huazuar në Roma.

Toni iu bashkua Giallorossëve në janar dhe dëshiron të mbetet në Olimpico, edhe pse bisedimet mes klubeve nuk pritet të jenë të lehta.

Mirëpo, komentet e Rummenigges do të inkurajojnë Romën të finalizojë marrëveshjen.

“I takon atij të gjejë zgjidhje në Itali. Marrëdhëniet e tij me klubin tonë janë thyer dhe nuk ka shans të rregullohen”, tha ai.