Bechtel, Berishes: Interes bashkepunimi per TAP
Kryeministri Berisha ka zhvilluar dje nje takim me perfaqesues te kompanise Bechtel. Perfaqesuesit e kompanise Bechtel, Steve Hawkins, Zevendespresident dhe Drejtor i Pergjithshem dhe David Welch, President i Divisionit per Europen, Afriken dhe Lindjen e Mesme, pasi i shprehen Kryeministrit simpatine e kompanise se tyre per dy segmentet e projektit madhor te rruges se kombit Tirane-Prishtine, thane se eksperienca e suksesshme e kesaj kompanie ne Shqiperi e ka sjelle perseri ate, ketu, per te bashkepunuar ne nje projekt tjeter shume te rendesishem, ate te gazsjellesit TAP. Kompania e konsideron shume te rendesishem, si nga pikepamja gjeopolitike, ashtu edhe nga pikepamja teknike, kete projekt madhor, i cili nuk mund te konceptohet pa bashkepunime te gjera te kompanive nderkombetare te fushes. Ata e informuan kryeministrin se jane ne bisedime me pjesemarresit e konsorciumit te projektit TAP, si me perfaqesuesit e Grupit TAP, ashtu edhe me kompanite e tjera pjesemarrese si SOCAR, British Petrolium, EGL etj.. Standardet e larta teknologjike dhe eksperienca qe kerkohet ne kete projekt, thane ata, e kane bere kete kompani te jete shume e interesuar per t'iu bashkuar Grupit dhe per te perfshire ne vazhdim, edhe kompanite lokale te vendeve perkatese. Eksperiencat e suksesshme ne Shqiperi, ne rajon e mbare boten e kane bere Bechtel te filloje punen per perfshirjen ne kete projekt. Kryeministri Berisha i falenderoi per bashkepunimin e suksesshem ne projektin madhor te rruges se kombit Tirane-Prishtine dhe e mirepriti interesin dhe deshiren e tyre per t'u bere pjese ne kete projekt tjeter madhor, europian e me gjere. "Historia profesionale e Bechtel dhe historia e suksesit ne rajon jane per t'u konsideruar ne realizimin e TAP", theksoi Berisha. Kryeministri i siguroi per standardet e bashkepunimit te qeverise edhe ne kete projekt, konform ligjeve e rregullave nderkombetare dhe ato shqiptare.