Dublimet, nis pastrimi i listave te zgjedhesve Rozeta Rapushi

Kur na ndajne pak me shume se gjashte muaj nga zgjedhjet parlamentare, Ministria e Brendshme, ka nisur pastrimin e listave te zgjedhesve nga dublimet e emrave ne te. Ky institucion, ka hartuar udhezimin per menyren e pastrimit te dublimeve, ndersa gjate verifikimeve behet e ditur se do te marrin pjese ne proces edhe eksperte te partive politike. Zevendesministri i Brendshem, Ferdinand Poni, u shpreh dje se listat e zgjedhesve do te jene te pakundershtueshme, pasi te gjithe aktoret parashikohet te kene akses per cdo dyshim qe mund te kene. "Ne bazen tone te te dhenave kane ngelur vetem 373 rekorde te dyshuara, qe perbejne diku tek 186 persona. Ministria e Brendshme, ka nisur punen per nje sere kriteresh shume me kualitative ne gjetjen e dublimeve. Kriteret jane dyfishuar per te kapur dublimet", - u shpreh Poni, duke theksuar faktin se ky fenomen do te shihet ne menyre te detajuar, ne menyre qe ne lista te mos kete me dublime. Nga ana tjeter, ai pohoi se po punohet edhe me perfaqesues te opozites ne kete proces. "Edhe me perfaqesuesit e opozites, ne kemi hartuar draftin perfundimtar. Kemi dhe mirekuptimin e tyre per cilesine e larte qe paraqesin kriteret ne pastrimin e dublimeve. Udhezimi eshte i gatshem dhe neser merr fuqi ligjore", - theksoi Poni. Bashkepunimin mes paleve e pohoi edhe eksperti i Partise Socialiste per Ceshtjet Zgjedhore, Bledi Cuci. Ai tha se aktualisht ka nje mirekuptim mes Ministrise se Brendshme per te bashkepunuar ne pastrimin e listave. Bazuar ne Kodin e ri Zgjedhor, ekspertet e PS-se do te jene prane Drejtorise se Gjendjes Civile, per te monitoruar procesin e pastrimit te listave. "Ne kemi pasur mirekuptimin deri me tani te Ministrise se Brendshme per te punuar per pastrimin e listave. Eshte nje udhezim i ministrit te Brendshem, i cili do te lejoje tashme qe te merret edhe me verifikimin e te gjitha emrave te evidentuar, qe do te vijne nga institucione te tjera. Ne jemi ne pritje, sipas Kodit Zgjedhor, te emerimit te 2 eksperteve, te cilet do te atashohen prane Drejtorise se Pergjithshme te Gjendjes Civile, me konkretisht ne Regjistrin Kombetar te Zgjedhesve, te cilet do te kene akses te plote tek ky regjister. Ata do te marrin informacion te plote mbi te gjitha levizjet", - nenvizoi Cuci. Sipas tij, aksesi i PS-se ne procesin e pastrimit te listave te zgjedhesve, do te jete nje element i rendesishem per te shmangur parregullsite ne listat e votuesve. Nderkohe qe pritet qe ekstrakti paraprak i listave te zgjedhesve, te publikohet me 3 janar dhe forcat politike kane 20 dite kohe te konstatojne dublimet.

Pergatitja e listes se zgjedhesve

Drejtoria e Pergjithshme e Gjendjes Civile, jo me vone se 5 dite nga dita e dekretimit te dates se zgjedhjeve, urdheron zyrat e gjendjes civile te fillojne procesin e hartimit te ekstraktit te perberesve zgjedhore, ne perputhje me kete Kod. Jo me vone 15 dite nga dita e dekretimit, zyra e gjendjes civile nxjerr ne format elektronik, ekstraktin me perberesit zgjedhore te te gjithe shtetasve me te drejte vote ne daten e zgjedhjeve, me perjashtim te shtetasve qe kane mbushur 100 vjec deri ne kete date.

Jo me vone se 30 dite nga dekretimi i dates se zgjedhjeve, zyrat e gjendjes civile, pas miratimit nga kryetari i njesise vendore, printojne dhe publikojne ekstraktin e perberesve zgjedhore te te gjithe shtetasve qe kane vendbanim ne zonat e qendrave te votimit nen juridiksionin e cdo zyre. Publikimi behet ne ambientet e zyrave te gjendjes civile ose ne ambientet prane tyre me akses te lire per publikun.