Bekam mund të blejë LA Galaksi

Devid Bekam po mendon të blejë skuadrën ku militon aktualisht, Los Anxhelos Galaksi. Në kontratën e tij, që përfundon në vitin 2011, ekziston një klauzolë për blerjen e klubit në përfundim të karrierës së tij si lojtar. Emisioni "60 minuta" i rrjetit CBS do të zbardhë të dielën të gjitha detajet e kontratës së mesfushorit anglez, i cili aktivizohet në kampionatin amerikan të futbollit. Duket se Bekam ka vendosur të qëndrojë në SHBA, edhe pas mbylljes së karrierës.