Belsh-Kuçovë, kamioni i rrëzuar përfshihet nga flakët

Ngjarja ndodhi në fshatin Turbull, në momentin kur kamioni po shkarkonte. Ai është përfshirë menjëherë nga flakët, të cilat u fikën falë ndërhyrjes së shpejtë të banorëve.

Ata bënë të mundur edhe nxjerrjen e shoferit nga kabina e mjetit. I plagosuri është dërguar në gjendje kritike për jetën drejt spitalit. Ndërkohë, policia e mbërritur menjëherë në vendngjarje bëri hetimet e nevojshme.