Bendtner: Jam i pakënaqur

Nicklas Bendtner ka deklaruar se ai është i mërzitur te Arsenali dhe dëshiron të bisedojë me trajnerin Arsene Wenger për shkak të mosdhënies së shansit me ekipin e parë dhe shfrytëzimit në pozitën e anësorit.

“Më duhet të bisedoj me të pasi nuk jam i kënaqur me lojën në krahun e djathtë, të cilën e kam bërë pak a shumë gjithë sezonin. Jam i përqendruar për të siguruar vendin që dërgon në Ligën e Kampionëve dhe pastaj do të bëjmë vlerësimin në fund të sezonit”.

“Sigurisht nuk është situata më e mirë për mua, por nuk është diçka që mund ta zgjidh vetë dhe ndonjëherë duhet të adaptohesh në atë që thotë menaxheri”, ka thënë Bendtner.