Benitez: Fernando Torres, afër rikthimit

Trajneri i Liverpoolit, Rafa Benitez, ka pohuar se sulmuesi Fernando Torres, është shumë afër rikthimit në fushë pas dëmtimit.
Torres është shoqëruar me dëmtime të shpeshta dhe së fundi u dëmtua me kombëtaren e Spanjës. Por Benitez shpreson se ai do të rikthehet për takimin kundër Blackburnit.
"Informatat për Torres të cilat i kemi marrë mbrëmë ishim shumë pozitive, ai ndjehet mirë. Do të shohim se si do të jetë në stërvitjet e ardhshme, por duket se gjërat po shkojnë në drejtimin e duhur. Nëse do të jetë mirë edhe në ditët e ardhshme do të mund të luajë kundër Rovers", ka thënë Benitez.