Benitez: Liverpuli humbi dy pikë

Tekniku spanjoll i Liverpulit, Benitez, nuk e ka fshehur zhgënjimin dhe bashkë me të kritikën ndaj të tijve, pasi Atletiko i Madridit u lejua të barazojë shifrat në 1:1 kur kishin mbetur me pak se 10 minuta lojë. Në një sfidë tërheqëse në "Vicente Kalderon", shumë intensive në veprime, të dy skuadrat braktisën qëndrimet konservatore në këtë ndeshje. Barazimi mund të duket si rezultati më i drejtë, por ky koncept nuk pëlqehet nga Benitez. "Nëse përpara ndeshjes do të më thoshin se në përfundimin e gjysmës së rrugës do të kishin 7 pikë, do të isha i kënaqur, por sonte ne kemi humbur dy pikë të sigurta", pohoi Benitez.