Rumenige mbron sërish Klinsmanin

Karl-Heinz Rumenige del sërish në krah të trajnerit Jurgen Klinsman. Ai ka kundërshtuar këtë herë edhe Franz Bekenbauer, i cili ka folur së fundmi në Tv "Premiere", ku ka thënë se trajneri duhet të arsyetojë në lidhje me situatën. "Trajneri është sovrani i vetëm dhe askush nuk mund t‘i shpjegojë se çfarë taktike i duhet skuadrës", shpjegon shefi i Bajernit të Mynihut. Ai kundërshton kështu edhe shkrimet e medias, të cilat ushtronin presion ndaj Klinsman, që ai të kthehej te moduli 4-4-2. Edhe Franz Bekenbauer kishte shprehur të njëjtën gjë në Tv "Premiere", para ndeshjes së Champions kundër Fiorentinës. Kjo nuk është hera e parë që Rumenige del në mbrojtje të trajnerit.