Suksesi i Barçës, metodat e Guardiolës

Barcelona shkatërroi të mërkurën në Bazel skuadrën vendase, duke i dhënë një goditje kritikës së bërë për atë politikë rotacioni që po ndjek tekniku 37-vjeçar, Pep Guardiola. Me suksesin ndaj Bazelit, Barcelona është e vetmja skuadër në 32 pjesëmarrësit në Champions League që ka fituar tre ndeshjet e para në grup. Nuk ishte e lehtë, megjithatë Guardiola ka të drejtën në anën e tij për të vlerësuar shumë "nivelin e shfaqur nga skuadra e tij dhe rezultatin e arritur". "Ne nuk do të lejojmë të ulim ritmin pas tre fitoreve, theksoi Guardiola. Por e rëndësishme është të shikojmë përpara. Nuk është i lehtë rotacioni, pasi të gjithë futbollistët kanë punuar duke dhënë maksimumin".