Beqaj: Javën e ardhshme Kosova merr udhërrëfyesin për liberalizim

Javën e ardhshme Kosova do të marrë udhërrëfyesin për liberalizimin e vizave. Kështu është shprehur Ministri i Zhvillimit Ekonomik, Besim Beqaj pas takimit në Bruksel me drejtorin e përgjithshëm për Zgjerim të Komisionit Evropian, Stefano Sanino.
 

Ai ka theksuar se ka marrë mbështetje të fuqishme për synimet e qeverisë së Kosovës për integrimin e vendit në strukturat evropiane.
 

Beqaj gjithashtu bëri të ditur se javën e ardhshme Kosova do të marrë edhe konfirmimin për studimin e fizibilitetit.